Акафист семистрельной читать. Акафист пресвятой богородице в честь иконы ее умягчение злых сердец
Молитва и акафист иконе Божией Матери «Умягчение злых сердец»
4.3 (85.88%) 34 голос.Акафист Богородице пред иконой «Семистрельная» о примирении враждующих; об искоренении гордости, злобы, ненависти; об открытии сердца к любви, жалости, сострадательности. Число семь означает полноту того горя, печали и болезни сердечной, которые были перенесены Пресвятой Богородицей в Ее земной жизни.
Кондак 1
Икос 1
Кондак 2
Видяще Превечнаго Младенца повита лежаща в яслех, пришедше, поклонишася Ему пастыри вифлеемстии и глаголаша реченное им ангелы о Отрочати. Мариам же соблюдаше вся глаголы сия в сердце Своем. По прошествии же осьми дней обрезан бе Иисус по закону Израилеву, яко Человек. Воспевающе смирение и терпение Твое, Богородице, поем Вечному Богу: Аллилуиа.
Икос 2
Разум имуще в Бозе утвержденный и соблюдающе Закон Господень, в четыредесятый день, егда исполнишася дние очищения, вознесота Иисуса во Иерусалим родителие Его, еже поставити Его пред Господем и дати за Него жертву по реченному в Законе Господнем; мы же вопием Богородице сице:
Радуйся, Создателя вселенныя во исполнение Закона в храм Иерусалимский принесшая; радуйся, тамо старцем Симеоном радостно сретенная.
Радуйся, Едина Чистая и Благословенная в женах; радуйся, крест Твой, скорбьми преукрашенный, во смирении несшая.
Радуйся, волю Божию николиже преслушавшая; радуйся, образ терпения и смирения нам Собою явившая.
Радуйся, сосуде, исполненный благодати Духа Святаго; радуйся, рождшая Сына Единороднаго Отца Небеснаго.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 3
Силою свыше укрепляема была еси, Мати Божия, егда услышала еси словеса праведнаго старца Симеона: «Се, лежит Сей на падение и на востание многим во Израили и в знамение пререкаемо, и Тебе же Самой душу пройдет оружие, яко да открыются от многих сердец помышления». Обаче скорбь велия пронзе сердце Богородицы, и возопи Сия Богу: Аллилуиа.
Икос 3
Имея тщание погубити Отроча, посла Ирод избити вся дети, сущия в Вифлееме и пределех его, от двою лету и нижайше, по времени, еже испыта от волхвов. И се, повелением Божиим, данным чрез ангела во сне старцу Иосифу, бежа все Святое Семейство во Египет и пребысть тамо седмь лет до смерти Ирода. Темже со умилением воспоем Ти, Богородице:
Радуйся, всю тесноту странствия понесшая; радуйся, яко вси идоли падоша в стране Египетстей, не возмогше терпети крепости Сына Твоего.
Радуйся, с нечестивыми язычники пребывавшая; радуйся, из Египта с Первенцем Отроком и Своим обручником в Назарет пришедшая.
Радуйся, со старцем Иосифом древоделом в нищете жившая; радуйся, все время Свое в трудех провождавшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 4
Буря скорби обдержа Пречистую Матерь, егда возвращающимася има из Иерусалима не обретоша в пути Отрока Иисуса. Сего ради возвратистася во Иерусалим, взыскающе Его. И бысть по триех днех, обретоста Его в церкви, седящаго посреде учителей, и послушающаго их, и вопрошающаго их. И рече к Нему Мати Его: «Чадо, что сотвори нама тако? Се отец Твой и Аз, боляще, искахом Тебе.» И рече к нима Иисус: «Что яко искасте Мене? Не весте ли, яко в тех, яже Отца Моего, достоит быти Ми?» Ты же, Пречистая, соблюдала еси глаголы сия в сердце Своем, вопиющи Богу: Аллилуиа.
Икос 4
Услышала еси, Мати Божия, яко Иисус прохождаше всю Галилею, уча на сонмищих, проповедуя Евангелие Царствия и исцеляя всяк недуг и всякую язю в людех. И изыде слух о Нем по всей стране, и приведоша к Нему вся болящия различными недуги и страстьми, одержимыя бесы и разслабленныя, и исцели их. Ты же, Мати Божия, ведущи пророчество, скорбящи сердцем, познавала еси, яко вскоре приидет час, егда Сын Твой принесет Себе в жертву за грехи мира. Темже ублажаем Тя, многоскорбная Мати Божия, вопиюще:
Радуйся, Сына Своего на служение народу иудейскому отдавшая; радуйся, скорбная сердцем, но покорная воли Божией.
Радуйся, мир от потопа греховнаго спасшая; радуйся, главу древняго змия стершая.
Радуйся, Себе в жертву Богу принесшая; радуйся, Господь с Тобою, Благословенная.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 5
Царствие Божие на земли проповедуя, обличаше Иисус гордость фарисеев, мневших себе праведники быти. Темже слышаще притчи Его, разумеша, яко о них глаголет, и искаша взяти Его, но убояшася народа, понеже яко пророка Его имеяху; сия вся ведающи, скорбящи Богородица о Сыне Своем возлюбленнем, страдаше, да не убиют Его, обаче вопиюще Богу: Аллилуиа.
Икос 5
Видевше неции от иудей воскрешение Лазаря, идоша к фарисеем и рекоша им, яже сотвори Иисус; и рече им Каиафа, архиерей сый лету тому: «Уне есть нам, да един человек умрет за люди, а не весь народ погибнет». И от сего дне совещаша, да убиют Его. Мы же вопием Ти, Пречистая:
Радуйся, Спасителя мира рождшая; радуйся, спасения нашего главизно.
Радуйся, от рождения в Матерь Спасу нашему предызбранная; радуйся, Мати Божия, обреченная на страдание.
Радуйся, Благословенная, Царица Небесная соделавшаяся; радуйся, выну за ны молящаяся.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 6
Прежде проповедник слова Божия, последи же предатель, Иуда Искариотский, един от обоюнадесяте апостолов, иде ко архиереом, предати хотя Учителя своего; они же, слышавше, обрадовашася и обещаша ему сребренники дати. Ты же, Богомати, скорбящи о Сыне Своем возлюбленнем, вопияла еси горце Богу: Аллилуиа.
Икос 6
Возсияла есть последняя вечеря учеником Христовым, на нейже Учитель умы нозе им, образ смирения показуя, и рече им: «Един от вас предаст Мя, ядый со Мною». Мы же, горю Матери Божией сострадающе, воспеваем Ей:
Радуйся, Мати Божия, мукою сердечною истомленная; радуйся, вся претерпевшая в юдоли сей многоскорбней.
Радуйся, в молитве успокоение находившая; радуйся, всех скорбящих Радосте.
Радуйся, утоление наших печалей; радуйся, из тины греховныя нас спасающая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 7
Хотяй явити любовь Свою к роду человеческому Господь наш Иисус Христос на Тайней вечери, благословив и преломив хлеб, даде Своим учеником и апостолом, рек: «Приимите, ядите, сие есть тело Мое» и, прием чашу и хвалу воздав, даде им, глаголя: «Сия есть кровь Моя Новаго Завета, яже за многия изливаемая во оставление грехов». Благодаряще Милостиваго Бога за милосердие Его к нам неизреченное, поем Ему: Аллилуиа.
Икос 7
Новое знамение милости Своея яви Господь учеником Своим, обещая им послати инаго Утешителя - Духа истины, Иже от Отца исходит, да свидетельствует о Нем. Тебе же, Матери Божией, паки освященней Духом Святым в день Пятьдесятницы, вопием сице:
Радуйся, Духа Святаго обиталище; радуйся, чертоже всесвятый.
Радуйся, пространное селение Бога Слова; радуйся, Бисер Божественный произведшая.
Радуйся, рождеством Твоим райския двери нам отверзающая; радуйся, знамение милости Божией нам Собою явившая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 8
Странно и прискорбно нам слышати, яко лобзанием предаде Учителя своего и Господа Иуда Искариотский. Спира же и тысящник и слуги архиерейстии взяша Иисуса и связаша Его, и ведоша к первосвященнику Анне первее, посем же к Каиафе архиереови. Матерь же Божия, смертнаго совета на Сына Своего возлюбленнаго ожидающи, вопияше Богу: Аллилуиа.
Икос 8
Вси иудеи ведоша Иисуса от Каиафы в претор к Пилату, глаголюще Его злодея быти. Пилат же вопроси Его и глагола им, яко ни единыя вины обрете в Нем. Мы же Матери Божией, поношения Сына Своего видящей, умильно вопием:
Радуйся, сердце горем истерзанное имевшая; радуйся, слезы о Сыне Своем проливавшая.
Радуйся, Чадо Свое любимое на судилище преданное зревшая; радуйся, вся претерпевшая без ропота, яко раба Господня.
Радуйся, стенящая и рыдающая; радуйся, Царице небесе и земли, приемлющая молитвы раб Своих.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 9
Вси роди блажат Тя, честнейшую Херувим и славнейшую без сравнения Серафим, Владычицу и Матерь Избавителя нашего, рождеством Своим радость всему миру принесшую, последи же скорбь велию имевшую, видящи Сына Своего возлюбленнаго на поругание, биение и смерть преданнаго. Мы же умиленное пение приносим Ти, Пречистая, вопиюще Всемогущему Богу: Аллилуиа.
Икос 9
Витии многовещаннии не возмогут изрещи всех страданий, Тобою пренесенных, Спасе наш, егда воини, сплетше венец из терния и возложивше на главу Твою, и в ризу багряну облекше Тя, глаголаху: «Радуйся, Царю Иудейский», и бияху Тя по ланитома. Мы же, Мати Божия, страдания Твоя познавающе, вопием Ти:
Радуйся, Сына Своего биеннаго зревшая; радуйся, багряницею и терновым венцем одеяннаго зревшая.
Радуйся, Егоже млеком Своим питала еси, терзаемаго видевшая; радуйся, страданием Его спострадавшая.
Радуйся, всеми ученики Его оставленнаго видевшая; радуйся, неправедными судиями Его осужденнаго зревшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 10
Спасти хотя Иисуса, рече Пилат иудеем: «Есть же обычай вам, да единаго вам отпущу на Пасху. Хощете ли убо, да отпущу вам Царя Иудейска?» Но вси возопиша, глаголюще: «Не Сего, но Варавву». Прославляюще милосердие Отца Небеснаго, Иже тако возлюби мир, яко Сына Своего Единороднаго отдал есть на крестную смерть, да искупит ны от вечныя смерти, вопием Ему: Аллилуиа.
Икос 10
Стена и ограждение буди нам, Владычице, изнемогающим от скорби и болезни. Ты бо и Сама страдала еси, слышащи иудеев, вопиющих: «Распни, распни Его!» Ныне же услыши нас, вопиющих Ти:
Радуйся, Мати милосердия, отъемлющая всякую слезу от люте страждущих; радуйся, слезу умиления нам подающая.
Радуйся, погибающих грешников спасающая; радуйся, предстательство христиан непостыдное.
Радуйся, от страстей нас избавляющая; радуйся, сердцу сокрушенному отраду подающая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 11
Пение всеумиленное Спасителю мира приносим, на вольное страдание шедшему и крест Свой несшему. Воини же, пришедше на Голгофу, пропяша Его. Стояху при кресте Иисусове Мати Его, и сестра Матере Его - Мария Клеопова, и Мария Магдалина. Иисус же, видев Матерь и ученика стояща, егоже любляше, глагола Матери Своей: «Жено, се сын Твой»; потом глагола ученику: «Се Мати твоя». И от того часа поят Ю ученик во свояси. Ты же, Мати Божия, обезчещенна видящи на кресте Сына и Господа, терзалася еси, вопиющи Богу: Аллилуиа.
Икос 11
«Сыне Мой и Боже Предвечный, Творче всех тварей, Господи! Како терпиши на кресте страсть, - Чистая Дева, плачущи, глаголаше. - О страшнем Твоем Рождестве, Сыне Мой, паче всех матерей возвеличена бых, но увы Мне: ныне Тя видящи, распаляюся утробою». Мы же, слезы проливающе и Тебе внемлюще, вопием Ти:
Радуйся, радости и веселия лишенная; радуйся, вольная страдания Сына Твоего на кресте видевшая.
Радуйся, Чадо Свое возлюбленное уязвленным зревшая; радуйся, Агнца, на заклание ведомаго, Мати.
Радуйся, Избавителя язв душевных и телесных язвами покрытаго видевшая; радуйся, Сына Своего воскресшаго из мертвых зревшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 12
Благодать подаждь нам, Спасе Всемилостивый, на Кресте дух Свой испустивый и согрешений наших рукописание растерзавый. «Се, свете Мой сладкий, надеждо и животе Мой благий, Боже Мой, угасл еси на Кресте», - Дева, стенящи, глаголаше. Потщися, Иосифе, к Пилату приступити и проси его сняти с древа Учителя своего уязвленнаго: «Даждь ми Сего страннаго, Иже не имать где главы преклонити». Богоматерь же, видевши Сына Своего безславна, нага на древе, возопи: «Увы Мне, Чадо Мое, увы Мне, свете Мой, душу пройде Мне оружие по речению праведнаго старца Симеона». Мы же, Пречистей Деве состраждуще, вопием Богу: Аллилуиа.
Икос 12
Поюще милосердие Твое, Человеколюбче, покланяемся богатству милости Твоея, Владыко. «Создание Твое спасти хотя, смерть подъял еси, - рече Пречистая, - но Воскресением Твоим, Спасе, помилуй всех нас». Мы же Богородице, о нас молящейся, вопием:
Радуйся, мертваго зрящая, бездыханна Преблагаго Господа; радуйся, лобзавшая тело Сына Твоего возлюбленнаго.
Радуйся, Света Своего сладкаго нага и уязвленнаго Мертвеца зревшая; радуйся, Сына Своего гробу предавшая.
Радуйся, плащаницею новою тело Его обвившая; радуйся, Воскресение Его видевшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 13
О Всепетая Мати, изнемогающая от скорби у креста Сына Твоего и Бога! Внемли воздыханием и слезам нашим, умягчи злая сердца, востающая на нас, избави от скорби, болезней и вечныя смерти всех уповающих на неизреченное Твое милосердие и вопиющих Богу: Аллилуиа.
(Этот кондак читается трижды, затем 1-й икос и 1-й кондак)
Икос 1
Ангел возвести пастырем вифлеемстим о Рождестве Спасителя мира, и с ним множество воев небесных восхваляху Бога, поюще: «Слава в вышних Богу, и на земли мир, в человецех благоволение». Ты же, Мати Божия, не имевши где главу преклонити, зане не бе места во обителех, родила Сына Своего Первенца в вертепе, и повила Его пеленами, и положила Его в яслех. Темже, скорбь сердца Твоего ведуще, вопием Ти:
Радуйся, дыханием Своим Сына Своего возлюбленнаго согревшая; радуйся, Превечнаго Младенца пеленами повившая.
Радуйся, Носителя вселенныя млеком Своим питавшая; радуйся, вертеп в небо обратившая.
Радуйся, престол херувимский соделавшаяся; радуйся, в рождестве и по рождестве Дева пребывшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 1
Избранной Деве Марии, превысшей всех дщерей земли, Матери Сына Божия, Еюже дается спасение мира, со умилением взываем: воззри на многоскорбное житие наше, воспомяни скорби и болезни, яже претерпела еси, яко наша земнородная, и сотвори с нами по милосердию Твоему, да зовем Ти:
Радуйся, многоскорбная Мати Божия, печаль нашу в радость претворяющая и сердца злых человек умягчающая.
По окончании акафиста читается молитва.
Молитва иконе Божией Матери «Семистрельная»
«О кто не ублажит Тя, Дево Благодатная, кто не воспоет Твое милосердие к роду человеческому. Тебе молимся, Тебя просим: не остави нас, во зле погибающих, раствори любовию сердца наша и ко врагам нашим пошли стрелу Свою, да уязвляет сердца наша миром к гонящим нас. Аще мир нас ненавидит - Ты простри любовь Свою к нам, аще мир нас гонит - Ты приими нас. Подаждь нам Благодатную силу терпения - без ропота перенести испытания, в мире сем бываемая. О Госпоже! Умягчи сердца злых человеков, восстающих на нас, да не погибнут сердца их во зле, но умоли, Благодатная, Сына Твоего и Бога нашего, да умирит сердца их миром, диавол же - отец злобы - да посрамится! Мы же, воспевающе милосердие Твое к нам, злым, непотребным, воспоем Ти, о Пречудная Госпоже Дево Благодатная: услыши нас в час сей, сокрушенная сердца имущих, огради нас миром и любовию друг ко другу и ко врагом нашим, искорени от нас всякую злобу и вражду, да воспоем Тебе и Сыну Твоему, Господу Иисусу Христу нашему: Аллилуиа! Аллилуиа! Аллилуиа!»
Чудотворная икона Божией Матери «Семистрельная» менее знаменита, чем похожая на нее икона «Умягчение злых сердец». Однако из истории известно, что Богородица посылала многую помощь людям через нее. Обе иконы имеют особую благодать помогать в семейной жизни, разрешении любых конфликтов и при интригах врагов.
Как узнать икону «Семистрельная»
Существует множество икон Божией Матери, однако на всех них изображена Одна Женщина — Мать Господа Иисуса Христа, Царица Небесная, Пречистая Дева Мария. Многие иконы схожи друг с другом, относятся к одному типа. Иконы «Умягчение злых сердец» и «Семистрельная» похожи особенно сильно: Богородица изображается на них без Младенца (иногда со спящим или умершим Младенцем, символизирующим, что люди своими грехами вновь убивают Иисуса Христа) со сложенными в молитве руками. В Ее груди — семь стрел на иконе «Семистрельной» и семь кинжалов на «Умягчении злых сердец». На «Семистрельной» в грудь Девы Марии воткнуты по сторонам три и четыре стрелы, а на «Умягчении злых сердец» в нее вонзены кинжалы — по три справа и слева, один — внизу.
Такое страшное изображение мучимой Богородицы было создано около XVII века, когда начался период символизма в иконописи. Иконописец стремился явно показать слова святого Симеона Богоприимца, встретившего Божию Матерь и Младенца Христа в Иерусалимского храме и пророчествовавшего, что Ей «оружие пройдет душу». Слова эти значили, что Она будет страдать, видя мучения и смерть за род человеческий Своего Сына и Господа, Богочеловека Иисуса Христа. Богословы толкуют их и иначе: грехи человеческие, словно оружие, пронзают сердце Богородицы, Она сострадает всем несправедливо обиженным и мучимым.
Именно это оружие в виде стрел изображено на иконе «Семистрельная». Их семь, потому что эта цифра — число полноты, знак большого горя, которое претерпела Божия Матерь, и число смертных грехов, которые совершают люди, терзая тем самым Богородицу.
Образ «Семистрельной» был, как большинство чудотворных икон, чудесно явлен. Он находился в забвении, на лестничном пролете в колокольне Иоанно-Богословской церкви в Тошне, у Вологды. Но однажды икона «Семистрельная» явилась во сне больному крестьянину, долго страдавшему и молившемуся Богородице об исцелении. До сна он ни разу не видел этот образ. Крестьянин пошел в храм и умолял впустить его на колокольню — а ведь это помещение только для звонарей, посторонних людей туда и в нынешних храмах не пускают. Вот и крестьянину, пытавшемуся объяснить, что на колокольне должна находится чудотворная икона, отказывали. Но он верил, что именно после того, как он приложится к иконе (помолится перед иконой и поцелует ее с благоговением), его болезнь отступит. Служители храма сами не помнили о том, что на колокольне есть икона и были очень удивлены, когда, впустив наконец больного, нашли пыльный и темный лик Богородицы. После богослужения перед ней больной действительно исцелился. Весть об этом распространилась по Вологде, был сложен акафист «Семистрельной» иконе, через которую многие люди стали обретать просимое. В XIX веке Богородица после молитвы горожан и духовенства Вологды перед этой иконой остановила эпидемию смертельной болезни — холеры.
Иконы «Семистрельной» Богородицы и «Умягчение злых сердец» сейчас относят к одному типу, и день их памяти один — в Неделю всех Святых (первая неделя после праздника Троицы).
Сильная молитва Семистрельной иконе Божией Матери — акафист, который читается перед иконой
Акафист — это длительное молитвословие, которое может быть совершено и в храме, в составе молебна, который отслужит священник по вашему заказу, и дома.
Образ «Семистрельная» имеет особую благодать помогать верующим людям, молящимся перед ним о:
- Спокойной семейной жизни,
- Примирения вражды друзей, супругов, коллег,
- Спокойного разрешения судебной тяжбы,
- Конфликтах на работе, их предупреждении и разрешении.
Читать акафист Семистрельной иконе можно единожды или во все время, пока не угаснет конфликт или не уладятся ваши трудности. На продолжительное ежедневное чтение акафиста лучше взять благословение у священника, описав ему ситуацию — возможно, батюшка также подскажет вам пути разрешения ссоры.
Молитвами Пречистой Девы Марии да хранит вас Господь Иисус Христос!
Смотреть видео акафиста Божией Матери «Семистрельная»:
Акафист Пресвятой Богородице пред Ее иконой "Умягчение злых сердец"
Акафист. История возникновения и почитания иконы Богородицы. Древние и чудотворные иконы и современные образы...
Память иконы Пресвятой Богородицы "Умягчение злых сердец": 3 / 16 февраля и в Неделю Всех Святых
Икона Божией Матери "Умягчение злых сердец". Историческая справка
Икону Божией Матери "Умягчение злых сердец" называют еще "Симеоново проречение". Как повествует святой евангелист Лука, праведному старцу Симеону Богоприимцу "...было предсказано Духом Святым, что он не увидит смерти, доколе не увидит Христа Господня" (Лк. 2:26). И вот когда родители на сороковой день после рождения Младенца принесли Его в храм, пришел туда "по вдохновению" и Симеон, взял Младенца на руки (откуда и появилось название "Богоприимец") и произнес знаменитые слова, которыми с тех пор завершается каждая служба вечерни и известные как Молитва святого Симеона Богоприимца: "Ныне отпущаеши раба Твоего, Владыко, по глаголу Твоему, с миром..." (Лк. 2:29) Затем он благословил святого Иосифа и Пречистую Матерь Спасителя и обратился к Марии с тем самым Симеоновым проречением: "се, лежит Сей на падение и на восстание многих в Израиле и в предмет пререканий, – и Тебе Самой оружие пройдет душу, – да откроются помышления многих сердец" (Лк. 2:34-35). Подобно тому, как Христа пронзят гвоздями и копием, так и душу Пречистой Девы поразит некое "оружие" печали и сердечной боли, когда увидит Она страдания Сына Своего; после же откроются скрытые помышления людей, которым предстоит сделать выбор: с Христом они или против Него. Такое толкование Симеонова пророчества и стало предметом нескольких "символических" икон Богородицы.
Обычно на иконе изображается Божия Матерь, сердце Которой пронизывают семь мечей – по три справа и слева и один снизу. Число "семь" в Священном Писании означает "полноту" чего-либо, в данном случае – полноту всего того горя, "печали и болезни сердечной", которые перенесла Пресвятая Дева в Ее земной жизни.
Похожее изображение имеет еще "Семистрельная" икона Божией Матери. Разница только в том, что мечи, пронзившие сердце Богоматери, расположены на ней несколько иначе – три с одной и четыре с другой стороны. Празднование этой иконе совершается 13-го августа, в то время, как празднование иконе "Умягчение злых сердец" приходится в Неделю Всех святых.
Все верующие, прибегающие к чудотворным иконам с верой и молитвою чувствуют, что при умягчении сердца облегчаются душевные и телесные страдания, они сознают, что когда молятся перед этими образами за врагов своих, тогда исчезают их враждебные чувства, уступая место доброте и милосердию.
Православный церковный календарь
Акафист Пресвятой Богородице пред Ее иконой "Умягчение злых сердец"
Икона Божией Матери "Умягчение Злых Сердец", 1848 год
Кондак 1
Избранной Деве Марии, превысшей всех дщерей земли, Матери Сына Божия, Еюже дается спасение мира, со умилением взываем: воззри на многоскорбное житие наше, воспомяни скорби и болезни, яже претерпела еси, яко наша земнородная, и сотвори с нами по милосердию Твоему, да зовем Ти:
Икос 1
Ангел возвести пастырем вифлеемстим о Рождестве Спасителя мира, и с ним множество воев небесных восхваляху Бога, поюще: "Слава в вышних Богу, и на земли мир, в человецех благоволение". Ты же, Мати Божия, не имевши где главу преклонити, зане не бе места во обителех, родила Сына Своего Первенца в вертепе, и повила Его пеленами, и положила Его в яслех. Темже, скорбь сердца Твоего ведуще, вопием Ти:
Радуйся, дыханием Своим Сына Своего возлюбленнаго согревшая.
Радуйся, Превечнаго Младенца пеленами повившая.
Радуйся, Носителя вселенныя млеком Своим питавшая.
Радуйся, вертеп в небо обратившая.
Радуйся, престол херувимский соделавшаяся.
Радуйся, в рождестве и по рождестве Дева пребывшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 2
Видяще Превечнаго Младенца повита лежаща в яслех, пришедше, поклонишася Ему пастыри вифлеемстии и глаголаша реченное им ангелы о Отрочати. Мариам же соблюдаше вся глаголы сия в сердце Своем. По прошествии же осьми дней обрезан бе Иисус по закону Израилеву, яко Человек. Воспевающе смирение и терпение Твое, Богородице, поем Вечному Богу: Аллилуиа.
Икос 2
Разум имуще в Бозе утвержденный и соблюдающе Закон Господень, в четыредесятый день, егда исполнишася дние очищения, вознесота Иисуса во Иерусалим родителие Его, еже поставити Его пред Господем и дати за Него жертву по реченному в Законе Господнем; мы же вопием Богородице сице:
Радуйся, Создателя вселенныя во исполнение Закона в храм Иерусалимский принесшая.
Радуйся, тамо старцем Симеоном радостно сретенная.
Радуйся, Едина Чистая и Благословенная в женах.
Радуйся, крест Твой, скорбьми преукрашенный, во смирении несшая.
Радуйся, волю Божию николиже преслушавшая.
Радуйся, образ терпения и смирения нам Собою явившая.
Радуйся, сосуде, исполненный благодати Духа Святаго.
Радуйся, рождшая Сына Единороднаго Отца Небеснаго.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 3
Силою свыше укрепляема была еси, Мати Божия, егда услышала еси словеса праведнаго старца Симеона: "Се, лежит Сей на падение и на востание многим во Израили и в знамение пререкаемо, и Тебе же Самой душу пройдет оружие, яко да открыются от многих сердец помышления". Обаче скорбь велия пронзе сердце Богородицы, и возопи Сия Богу: Аллилуиа.
Икос 3
Имея тщание погубити Отроча, посла Ирод избити вся дети, сущия в Вифлееме и пределех его, от двою лету и нижайше, по времени, еже испыта от волхвов. И се, повелением Божиим, данным чрез ангела во сне старцу Иосифу, бежа все Святое Семейство во Египет и пребысть тамо седмь лет до смерти Ирода. Темже со умилением воспоем Ти, Богородице:
Радуйся, всю тесноту странствия понесшая.
Радуйся, яко вси идоли падоша в стране Египетстей, не возмогше терпети крепости Сына Твоего.
Радуйся, с нечестивыми язычники пребывавшая.
Радуйся, из Египта с Первенцем Отроком и Своим обручником в Назарет пришедшая.
Радуйся, со старцем Иосифом древоделом в нищете жившая.
Радуйся, все время Свое в трудех провождавшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 4
Буря скорби обдержа Пречистую Матерь, егда возвращающимася има из Иерусалима не обретоша в пути Отрока Иисуса. Сего ради возвратистася во Иерусалим, взыскающе Его. И бысть по триех днех, обретоста Его в церкви, седящаго посреде учителей, и послушающаго их, и вопрошающаго их. И рече к Нему Мати Его: "Чадо, что сотвори нама тако? Се отец Твой и Аз, боляще, искахом Тебе." И рече к нима Иисус: "Что яко искасте Мене? Не весте ли, яко в тех, яже Отца Моего, достоит быти Ми?" Ты же, Пречистая, соблюдала еси глаголы сия в сердце Своем, вопиющи Богу: Аллилуиа.
Икос 4
Услышала еси, Мати Божия, яко Иисус прохождаше всю Галилею, уча на сонмищих, проповедуя Евангелие Царствия и исцеляя всяк недуг и всякую язю в людех. И изыде слух о Нем по всей стране, и приведоша к Нему вся болящия различными недуги и страстьми, одержимыя бесы и разслабленныя, и исцели их. Ты же, Мати Божия, ведущи пророчество, скорбящи сердцем, познавала еси, яко вскоре приидет час, егда Сын Твой принесет Себе в жертву за грехи мира. Темже ублажаем Тя, многоскорбная Мати Божия, вопиюще:
Радуйся, Сына Своего на служение народу иудейскому отдавшая.
Радуйся, скорбная сердцем, но покорная воли Божией.
Радуйся, мир от потопа греховнаго спасшая.
Радуйся, главу древняго змия стершая.
Радуйся, Себе в жертву Богу принесшая.
Радуйся, Господь с Тобою, Благословенная.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 5
Царствие Божие на земли проповедуя, обличаше Иисус гордость фарисеев, мневших себе праведники быти. Темже слышаще притчи Его, разумеша, яко о них глаголет, и искаша взяти Его, но убояшася народа, понеже яко пророка Его имеяху; сия вся ведающи, скорбящи Богородица о Сыне Своем возлюбленнем, страдаше, да не убиют Его, обаче вопиюще Богу: Аллилуиа.
Икос 5
Видевше неции от иудей воскрешение Лазаря, идоша к фарисеем и рекоша им, яже сотвори Иисус; и рече им Каиафа, архиерей сый лету тому: "Уне есть нам, да един человек умрет за люди, а не весь народ погибнет". И от сего дне совещаша, да убиют Его. Мы же вопием Ти, Пречистая:
Радуйся, Спасителя мира рождшая.
Радуйся, спасения нашего главизно.
Радуйся, от рождения в Матерь Спасу нашему предызбранная.
Радуйся, Мати Божия, обреченная на страдание.
Радуйся, Благословенная, Царица Небесная соделавшаяся.
Радуйся, выну за ны молящаяся.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 6
Прежде проповедник слова Божия, последи же предатель, Иуда Искариотский, един от обоюнадесяте апостолов, иде ко архиереом, предати хотя Учителя своего; они же, слышавше, обрадовашася и обещаша ему сребренники дати. Ты же, Богомати, скорбящи о Сыне Своем возлюбленнем, вопияла еси горце Богу: Аллилуиа.
Икос 6
Возсияла есть последняя вечеря учеником Христовым, на нейже Учитель умы нозе им, образ смирения показуя, и рече им: "Един от вас предаст Мя, ядый со Мною". Мы же, горю Матери Божией сострадающе, воспеваем Ей:
Радуйся, Мати Божия, мукою сердечною истомленная.
Радуйся, вся претерпевшая в юдоли сей многоскорбней.
Радуйся, в молитве успокоение находившая.
Радуйся, всех скорбящих Радосте.
Радуйся, утоление наших печалей.
Радуйся, из тины греховныя нас спасающая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 7
Хотяй явити любовь Свою к роду человеческому Господь наш Иисус Христос на Тайней вечери, благословив и преломив хлеб, даде Своим учеником и апостолом, рек: "Приимите, ядите, сие есть тело Мое" и, прием чашу и хвалу воздав, даде им, глаголя: "Сия есть кровь Моя Новаго Завета, яже за многия изливаемая во оставление грехов". Благодаряще Милостиваго Бога за милосердие Его к нам неизреченное, поем Ему: Аллилуиа.
Икос 7
Новое знамение милости Своея яви Господь учеником Своим, обещая им послати инаго Утешителя - Духа истины, Иже от Отца исходит, да свидетельствует о Нем. Тебе же, Матери Божией, паки освященней Духом Святым в день Пятьдесятницы, вопием сице:
Радуйся, Духа Святаго обиталище.
Радуйся, чертоже всесвятый.
Радуйся, пространное селение Бога Слова.
Радуйся, Бисер Божественный произведшая.
Радуйся, рождеством Твоим райския двери нам отверзающая.
Радуйся, знамение милости Божией нам Собою явившая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 8
Странно и прискорбно нам слышати, яко лобзанием предаде Учителя своего и Господа Иуда Искариотский. Спира же и тысящник и слуги архиерейстии взяша Иисуса и связаша Его, и ведоша к первосвященнику Анне первее, посем же к Каиафе архиереови. Матерь же Божия, смертнаго совета на Сына Своего возлюбленнаго ожидающи, вопияше Богу: Аллилуиа.
Икос 8
Вси иудеи ведоша Иисуса от Каиафы в претор к Пилату, глаголюще Его злодея быти. Пилат же вопроси Его и глагола им, яко ни единыя вины обрете в Нем. Мы же Матери Божией, поношения Сына Своего видящей, умильно вопием:
Радуйся, сердце горем истерзанное имевшая.
Радуйся, слезы о Сыне Своем проливавшая.
Радуйся, Чадо Свое любимое на судилище преданное зревшая.
Радуйся, вся претерпевшая без ропота, яко раба Господня.
Радуйся, стенящая и рыдающая.
Радуйся, Царице небесе и земли, приемлющая молитвы раб Своих.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 9
Вси роди блажат Тя, честнейшую Херувим и славнейшую без сравнения Серафим, Владычицу и Матерь Избавителя нашего, рождеством Своим радость всему миру принесшую, последи же скорбь велию имевшую, видящи Сына Своего возлюбленнаго на поругание, биение и смерть преданнаго. Мы же умиленное пение приносим Ти, Пречистая, вопиюще Всемогущему Богу: Аллилуиа.
Икос 9
Витии многовещаннии не возмогут изрещи всех страданий, Тобою пренесенных, Спасе наш, егда воини, сплетше венец из терния и возложивше на главу Твою, и в ризу багряну облекше Тя, глаголаху: "Радуйся, Царю Иудейский", и бияху Тя по ланитома. Мы же, Мати Божия, страдания Твоя познавающе, вопием Ти:
Радуйся, Сына Своего биеннаго зревшая.
Радуйся, багряницею и терновым венцем одеяннаго зревшая.
Радуйся, Егоже млеком Своим питала еси, терзаемаго видевшая.
Радуйся, страданием Его спострадавшая.
Радуйся, всеми ученики Его оставленнаго видевшая.
Радуйся, неправедными судиями Его осужденнаго зревшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 10
Спасти хотя Иисуса, рече Пилат иудеем: "Есть же обычай вам, да единаго вам отпущу на Пасху. Хощете ли убо, да отпущу вам Царя Иудейска?" Но вси возопиша, глаголюще: "Не Сего, но Варавву". Прославляюще милосердие Отца Небеснаго, Иже тако возлюби мир, яко Сына Своего Единороднаго отдал есть на крестную смерть, да искупит ны от вечныя смерти, вопием Ему: Аллилуиа.
Икос 10
Стена и ограждение буди нам, Владычице, изнемогающим от скорби и болезни. Ты бо и Сама страдала еси, слышащи иудеев, вопиющих: "Распни, распни Его!" Ныне же услыши нас, вопиющих Ти:
Радуйся, Мати милосердия, отъемлющая всякую слезу от люте страждущих.
Радуйся, слезу умиления нам подающая.
Радуйся, погибающих грешников спасающая.
Радуйся, предстательство христиан непостыдное.
Радуйся, от страстей нас избавляющая.
Радуйся, сердцу сокрушенному отраду подающая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 11
Пение всеумиленное Спасителю мира приносим, на вольное страдание шедшему и крест Свой несшему. Воини же, пришедше на Голгофу, пропяша Его. Стояху при кресте Иисусове Мати Его, и сестра Матере Его - Мария Клеопова, и Мария Магдалина. Иисус же, видев Матерь и ученика стояща, егоже любляше, глагола Матери Своей: "Жено, се сын Твой"; потом глагола ученику: "Се Мати твоя". И от того часа поят Ю ученик во свояси. Ты же, Мати Божия, обезчещенна видящи на кресте Сына и Господа, терзалася еси, вопиющи Богу: Аллилуиа.
Икос 11
"Сыне Мой и Боже Предвечный, Творче всех тварей, Господи! Како терпиши на кресте страсть, - Чистая Дева, плачущи, глаголаше. - О страшнем Твоем Рождестве, Сыне Мой, паче всех матерей возвеличена бых, но увы Мне: ныне Тя видящи, распаляюся утробою". Мы же, слезы проливающе и Тебе внемлюще, вопием Ти:
Радуйся, радости и веселия лишенная.
Радуйся, вольная страдания Сына Твоего на кресте видевшая.
Радуйся, Чадо Свое возлюбленное уязвленным зревшая.
Радуйся, Агнца, на заклание ведомаго, Мати.
Радуйся, Избавителя язв душевных и телесных язвами покрытаго видевшая.
Радуйся, Сына Своего воскресшаго из мертвых зревшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 12
Благодать подаждь нам, Спасе Всемилостивый, на Кресте дух Свой испустивый и согрешений наших рукописание растерзавый. "Се, свете Мой сладкий, надеждо и животе Мой благий, Боже Мой, угасл еси на Кресте", - Дева, стенящи, глаголаше. Потщися, Иосифе, к Пилату приступити и проси его сняти с древа Учителя своего уязвленнаго: "Даждь ми Сего страннаго, Иже не имать где главы преклонити". Богоматерь же, видевши Сына Своего безславна, нага на древе, возопи: "Увы Мне, Чадо Мое, увы Мне, свете Мой, душу пройде Мне оружие по речению праведнаго старца Симеона". Мы же, Пречистей Деве состраждуще, вопием Богу: Аллилуиа.
Икос 12
Поюще милосердие Твое, Человеколюбче, покланяемся богатству милости Твоея, Владыко. "Создание Твое спасти хотя, смерть подъял еси, - рече Пречистая, - но Воскресением Твоим, Спасе, помилуй всех нас". Мы же Богородице, о нас молящейся, вопием:
Радуйся, мертваго зрящая, бездыханна Преблагаго Господа.
Радуйся, лобзавшая тело Сына Твоего возлюбленнаго.
Радуйся, Света Своего сладкаго нага и уязвленнаго Мертвеца зревшая.
Радуйся, Сына Своего гробу предавшая.
Радуйся, плащаницею новою тело Его обвившая.
Радуйся, Воскресение Его видевшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 13
О Всепетая Мати, изнемогающая от скорби у креста Сына Твоего и Бога! Внемли воздыханием и слезам нашим, умягчи злая сердца, востающая на нас, избави от скорби, болезней и вечныя смерти всех уповающих на неизреченное Твое милосердие и вопиющих Богу: Аллилуиа.
Этот кондак читается трижды, затем 1-й икос "Ангел возвести …" и 1-й кондак "Избранной Деве Марии …".
Молитва первая Пресвятой Богородице пред Ее иконой "Умягчение злых сердец"
О многоскорбная Мати Божия, превышшая всех дщерей земли по чистоте Своей и по множеству страданий, Тобою на земли пренесенных! Приими многоболезненныя воздыхания наша и сохрани нас под кровом Твоея милости. Инаго бо прибежища и теплаго предстательства, разве Тебе, не вемы, но, яко дерзновение имущи ко Иже от Тебе Рожденному, помози и спаси ны молитвами Своими, да непреткновенно достигнем Царствия Небеснаго, идеже со всеми святыми будем воспевати хвалу в Троице Единому Богу, всегда, ныне, и присно, и во веки веков. Аминь.
Молитва вторая Пресвятой Богородице пред Ее иконой "Умягчение злых сердец"
О кто не ублажит Тя, Дево Благодатная, кто не воспоет Твое милосердие к роду человеческому. Тебе молимся, Тебя просим: не остави нас, во зле погибающих, раствори любовию сердца наша и ко врагам нашим пошли стрелу Свою, да уязвляет сердца наша миром к гонящим нас. Аще мир нас ненавидит - Ты простри любовь Свою к нам, аще мир нас гонит - Ты приими нас. Подаждь нам Благодатную силу терпения - без ропота перенести испытания, в мире сем бываемая. О Госпоже! Умягчи сердца злых человеков, восстающих на нас, да не погибнут сердца их во зле, но умоли, Благодатная, Сына Твоего и Бога нашего, да умирит сердца их миром, диавол же - отец злобы - да посрамится! Мы же, воспевающе милосердие Твое к нам, злым, непотребным, воспоем Ти, о Пречудная Госпоже Дево Благодатная: услыши нас в час сей, сокрушенная сердца имущих, огради нас миром и любовию друг ко другу и ко врагом нашим, искорени от нас всякую злобу и вражду, да воспоем Тебе и Сыну Твоему, Господу Иисусу Христу нашему: Аллилуиа! Аллилуиа! Аллилуиа!
Тропарь Пресвятой Богородице пред Ее иконой "Умягчение злых сердец", глас 8
Восприемши души человеческия и утоливши злый совет, сокруши, Богомати Владычице, и разгони тьму прегрешений, и нас настави на путь смирения, яко да и мы будем во свете дел ходити, и Твоея иконы явлению торжествовати, и на помощь Твою уповати, и умильным гласом звати, Владычице, из глубины: помози, Едина Благословенная.
Ин тропарь Пресвятой Богородице пред Ее иконой "Умягчение злых сердец", глас 5
Умягчи наша злая сердца, Богородице, и напасти ненавидящих нас угаси, и всякую тесноту души нашея разреши, на Твой бо святый образ взирающе, Твоим страданием и милосердием о нас умиляемся и раны Твоя лобызаем, стрел же наших, Тя терзающих, ужасаемся. Не даждь нам, Мати Благосердая, в жестокосердии нашем и от жестокосердия ближних погибнути, Ты бо еси воистину злых сердец умягчение.
Кондак Пресвятой Богородице пред Ее иконой "Умягчение злых сердец", глас 6
Око сердца моего смущают, и злый совет разоряет мя, сих сокруши, Дево Чистая, и не презри мое воздыхание, и супостаты на нас умягчи, Преблагословенная Владычице.
Ин кондак Пресвятой Богородице пред Ее иконой "Умягчение злых сердец", глас 2
Благодатию Твоею, Владычице, умягчи сердца злодеев, низпосли благодетелей, соблюдающи их от всякого зла, благомолящимся Ти усердно пред честными иконами Твоими.
Величание Пресвятой Богородице пред Ее иконой "Умягчение злых сердец"
Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.
***
Читайте другие молитвы к Пресвятой Богородице:
- Молитвы о благополучии и счастье семьи - подборка известных православных молитв о семье
- Молитва к Богородице о семье - Постоянно пополняемый сборник канонических православных акафистов и канонов с древними и чудотворными иконами: Господу Иисусу Христу, Богородице, святым...
Икона «Умягчение злых сердец» написала примерно в XVII веке в Юго-Западной Руси: именно там начинался символизм в иконописи, то есть появились иконы, на которых изображались с помощью символов иносказания и притчи из Священного Писания.
Как узнать икону «Умягчение злых сердец»
Богородица на образе «Умягчение злых сердец» изображена в обычной молитвенной позе, со сложенными руками и спокойным ликом, но в ее грудь вонзены семь кинжалов. Это отражение слов старца Симеона Богоприимца, сказавшего в день Сретения (встречи) с Младенцем Христом и Девой Марией в Иерусалимском храме, что Ей «оружие пройдет душу».
Богословы толкуют эту фразу как, с одной стороны, страдания Матери Христа при муках Господа на Голгофском Кресте, с другой стороны — как мучения, переживания Богородицы из-за человеческих прегрешений, людской несправедливости. Семь кинжалов или мечей в груди Пресвятой Девы на иконе «Умягчение злых сердец», таким образом, означают и семь смертных грехов, которыми люди терзают добрую Матерь Божию, Заступницу и Молитвенницу обо всех.
Неизвестно, откуда точно появилась икона «Умягчение злых сердец», но уже несколько веков Церковь почитает ее как назидание грешникам и как образ, имеющий особую благодать защищать от врагов, интриг и несправедливостей.
Акафист иконе «Умягчение злых сердец» о заступлении в бедах, интригах, при агрессии врагов
По типу иконографии, то есть по композиции, позе Богородицы и Ее одеянию образ «Умягчение злых сердец» похож на икону «Семистрельная». Отличие их в том, что на «Семистрельной» в груди Божией Матери помещены стрелы, причем только слева и справа, а на «Умягчении злых сердец» — кинжалы, по три слева и справа, снизу — еще один.
Происхождение «Семистрельной» известно — она была написана в Вологде и, возможно, является как раз списком с «Умягчения злых сердец». Когда это было установлено, Церковь объединила дни празднования памяти этих икон, теперь их день отмечается в Неделю Всех Святых — это воскресение, следующее за праздником Святой Троицы.
Акафист иконе «Умягчение злых сердец» — это длительное молитвенное песнопение, которое можно читать самостоятельно дома или заказать как молебен с акафистом в храме. Форма акафиста — это жанр молитвенного гимна, который бывает обращен и ко Господу, и к святым, и сложен в честь праздника. В акафисте чередуются 12 кондаков (в акафисте иконе «Умягчение злых сердец» описаны трудности и страдания Богородицы при жизни и Ее милость к людям) и 12 икосов (их легко узнать по повторяющемуся слову «радуйся», благодаря чему акафист становится светлым, торжественным).
Как молиться акафистом «Умягчению злых сердец»
Акафист иконе «Умягчение злых сердец» читают в разных жизненных обстоятельствах. Образ Богородицы «Умягчение злых сердец» имеет особую благодать помощи при:
- семейных трудностях, отсутствии взаимопонимания,
- ссорах и конфликтах среди родственников,
- интригах на работе и в семье,
- проблемах в бизнесе, агрессии партнеров и конкурентов, вражде, в опасностях военного положения.
Читать акафист можно один раз или регулярно: есть благочестивая традиция в трудных обстоятельствах читать его 40 дней или год подряд. На такой молитвенный подвиг стоит попросить благословение у вашего духовника или любого священника, кроме того, помимо длительного чтения акафиста вам стоит посещать храм и участвовать в Таинствах Церкви.
Молитвами Пресвятой Богородицы да хранит вас Господь!
Смотреть видео акафиста иконе «Умягчение злых сердец»
Кондак 1
Избранной Деве Марии, превысшей всех дщерей земли, Матери Сына Божия, Еюже дается спасение мира, со умилением взываем: воззри на многоскорбное житие наше, воспомяни скорби и болезни, яже претерпела еси, яко наша земнородная, и сотвори с нами по милосердию Твоему, да зовем Ти:
Икос 1
Ангел возвести пастырем вифлеемстим о Рождестве Спасителя мира, и с ним множество воев небесных восхваляху Бога, поюще: «Слава в вышних Богу, и на земли мир, в человецех благоволение». Ты же, Мати Божия, не имевши где главу преклонити, зане не бе места во обителех, родила Сына Своего Первенца в вертепе, и повила Его пеленами, и положила Его в яслех. Темже, скорбь сердца Твоего ведуще, вопием Ти:
Радуйся, дыханием Своим Сына Своего возлюбленнаго согревшая; радуйся, Превечнаго Младенца пеленами повившая.
Радуйся, Носителя вселенныя млеком Своим питавшая; радуйся, вертеп в небо обратившая.
Радуйся, престол херувимский соделавшаяся; радуйся, в рождестве и по рождестве Дева пребывшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 2
Видяще Превечнаго Младенца повита лежаща в яслех, пришедше, поклонишася Ему пастыри вифлеемстии и глаголаша реченное им ангелы о Отрочати. Мариам же соблюдаше вся глаголы сия в сердце Своем. По прошествии же осьми дней обрезан бе Иисус по закону Израилеву, яко Человек. Воспевающе смирение и терпение Твое, Богородице, поем Вечному Богу: Аллилуиа.
Икос 2
Разум имуще в Бозе утвержденный и соблюдающе Закон Господень, в четыредесятый день, егда исполнишася дние очищения, вознесота Иисуса во Иерусалим родителие Его, еже поставити Его пред Господем и дати за Него жертву по реченному в Законе Господнем; мы же вопием Богородице сице:
Радуйся, Создателя вселенныя во исполнение Закона в храм Иерусалимский принесшая; радуйся, тамо старцем Симеоном радостно сретенная.
Радуйся, Едина Чистая и Благословенная в женах; радуйся, крест Твой, скорбьми преукрашенный, во смирении несшая.
Радуйся, волю Божию николиже преслушавшая; радуйся, образ терпения и смирения нам Собою явившая.
Радуйся, сосуде, исполненный благодати Духа Святаго; радуйся, рождшая Сына Единороднаго Отца Небеснаго.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 3
Силою свыше укрепляема была еси, Мати Божия, егда услышала еси словеса праведнаго старца Симеона: «Се, лежит Сей на падение и на востание многим во Израили и в знамение пререкаемо, и Тебе же Самой душу пройдет оружие, яко да открыются от многих сердец помышления». Обаче скорбь велия пронзе сердце Богородицы, и возопи Сия Богу: Аллилуиа.
Икос 3
Имея тщание погубити Отроча, посла Ирод избити вся дети, сущия в Вифлееме и пределех его, от двою лету и нижайше, по времени, еже испыта от волхвов. И се, повелением Божиим, данным чрез ангела во сне старцу Иосифу, бежа все Святое Семейство во Египет и пребысть тамо седмь лет до смерти Ирода. Темже со умилением воспоем Ти, Богородице:
Радуйся, всю тесноту странствия понесшая; радуйся, яко вси идоли падоша в стране Египетстей, не возмогше терпети крепости Сына Твоего.
Радуйся, с нечестивыми язычники пребывавшая; радуйся, из Египта с Первенцем Отроком и Своим обручником в Назарет пришедшая.
Радуйся, со старцем Иосифом древоделом в нищете жившая; радуйся, все время Свое в трудех провождавшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 4
Буря скорби обдержа Пречистую Матерь, егда возвращающимася има из Иерусалима не обретоша в пути Отрока Иисуса. Сего ради возвратистася во Иерусалим, взыскающе Его. И бысть по триех днех, обретоста Его в церкви, седящаго посреде учителей, и послушающаго их, и вопрошающаго их. И рече к Нему Мати Его: «Чадо, что сотвори нама тако? Се отец Твой и Аз, боляще, искахом Тебе.» И рече к нима Иисус: «Что яко искасте Мене? Не весте ли, яко в тех, яже Отца Моего, достоит быти Ми?» Ты же, Пречистая, соблюдала еси глаголы сия в сердце Своем, вопиющи Богу: Аллилуиа.
Икос 4
Услышала еси, Мати Божия, яко Иисус прохождаше всю Галилею, уча на сонмищих, проповедуя Евангелие Царствия и исцеляя всяк недуг и всякую язю в людех. И изыде слух о Нем по всей стране, и приведоша к Нему вся болящия различными недуги и страстьми, одержимыя бесы и разслабленныя, и исцели их. Ты же, Мати Божия, ведущи пророчество, скорбящи сердцем, познавала еси, яко вскоре приидет час, егда Сын Твой принесет Себе в жертву за грехи мира. Темже ублажаем Тя, многоскорбная Мати Божия, вопиюще:
Радуйся, Сына Своего на служение народу иудейскому отдавшая; радуйся, скорбная сердцем, но покорная воли Божией.
Радуйся, мир от потопа греховнаго спасшая; радуйся, главу древняго змия стершая.
Радуйся, Себе в жертву Богу принесшая; радуйся, Господь с Тобою, Благословенная.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 5
Царствие Божие на земли проповедуя, обличаше Иисус гордость фарисеев, мневших себе праведники быти. Темже слышаще притчи Его, разумеша, яко о них глаголет, и искаша взяти Его, но убояшася народа, понеже яко пророка Его имеяху; сия вся ведающи, скорбящи Богородица о Сыне Своем возлюбленнем, страдаше, да не убиют Его, обаче вопиюще Богу: Аллилуиа.
Икос 5
Видевше неции от иудей воскрешение Лазаря, идоша к фарисеем и рекоша им, яже сотвори Иисус; и рече им Каиафа, архиерей сый лету тому: «Уне есть нам, да един человек умрет за люди, а не весь народ погибнет». И от сего дне совещаша, да убиют Его. Мы же вопием Ти, Пречистая:
Радуйся, Спасителя мира рождшая; радуйся, спасения нашего главизно.
Радуйся, от рождения в Матерь Спасу нашему предызбранная; радуйся, Мати Божия, обреченная на страдание.
Радуйся, Благословенная, Царица Небесная соделавшаяся; радуйся, выну за ны молящаяся.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 6
Прежде проповедник слова Божия, последи же предатель, Иуда Искариотский, един от обоюнадесяте апостолов, иде ко архиереом, предати хотя Учителя своего; они же, слышавше, обрадовашася и обещаша ему сребренники дати. Ты же, Богомати, скорбящи о Сыне Своем возлюбленнем, вопияла еси горце Богу: Аллилуиа.
Икос 6
Возсияла есть последняя вечеря учеником Христовым, на нейже Учитель умы нозе им, образ смирения показуя, и рече им: «Един от вас предаст Мя, ядый со Мною». Мы же, горю Матери Божией сострадающе, воспеваем Ей:
Радуйся, Мати Божия, мукою сердечною истомленная; радуйся, вся претерпевшая в юдоли сей многоскорбней.
Радуйся, в молитве успокоение находившая; радуйся, всех скорбящих Радосте.
Радуйся, утоление наших печалей; радуйся, из тины греховныя нас спасающая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 7
Хотяй явити любовь Свою к роду человеческому Господь наш Иисус Христос на Тайней вечери, благословив и преломив хлеб, даде Своим учеником и апостолом, рек: «Приимите, ядите, сие есть тело Мое» и, прием чашу и хвалу воздав, даде им, глаголя: «Сия есть кровь Моя Новаго Завета, яже за многия изливаемая во оставление грехов». Благодаряще Милостиваго Бога за милосердие Его к нам неизреченное, поем Ему: Аллилуиа.
Икос 7
Новое знамение милости Своея яви Господь учеником Своим, обещая им послати инаго Утешителя - Духа истины, Иже от Отца исходит, да свидетельствует о Нем. Тебе же, Матери Божией, паки освященней Духом Святым в день Пятьдесятницы, вопием сице:
Радуйся, Духа Святаго обиталище; радуйся, чертоже всесвятый.
Радуйся, пространное селение Бога Слова; радуйся, Бисер Божественный произведшая.
Радуйся, рождеством Твоим райския двери нам отверзающая; радуйся, знамение милости Божией нам Собою явившая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 8
Странно и прискорбно нам слышати, яко лобзанием предаде Учителя своего и Господа Иуда Искариотский. Спира же и тысящник и слуги архиерейстии взяша Иисуса и связаша Его, и ведоша к первосвященнику Анне первее, посем же к Каиафе архиереови. Матерь же Божия, смертнаго совета на Сына Своего возлюбленнаго ожидающи, вопияше Богу: Аллилуиа.
Икос 8
Вси иудеи ведоша Иисуса от Каиафы в претор к Пилату, глаголюще Его злодея быти. Пилат же вопроси Его и глагола им, яко ни единыя вины обрете в Нем. Мы же Матери Божией, поношения Сына Своего видящей, умильно вопием:
Радуйся, сердце горем истерзанное имевшая; радуйся, слезы о Сыне Своем проливавшая.
Радуйся, Чадо Свое любимое на судилище преданное зревшая; радуйся, вся претерпевшая без ропота, яко раба Господня.
Радуйся, стенящая и рыдающая; радуйся, Царице небесе и земли, приемлющая молитвы раб Своих.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 9
Вси роди блажат Тя, честнейшую Херувим и славнейшую без сравнения Серафим, Владычицу и Матерь Избавителя нашего, рождеством Своим радость всему миру принесшую, последи же скорбь велию имевшую, видящи Сына Своего возлюбленнаго на поругание, биение и смерть преданнаго. Мы же умиленное пение приносим Ти, Пречистая, вопиюще Всемогущему Богу: Аллилуиа.
Икос 9
Витии многовещаннии не возмогут изрещи всех страданий, Тобою пренесенных, Спасе наш, егда воини, сплетше венец из терния и возложивше на главу Твою, и в ризу багряну облекше Тя, глаголаху: «Радуйся, Царю Иудейский», и бияху Тя по ланитома. Мы же, Мати Божия, страдания Твоя познавающе, вопием Ти:
Радуйся, Сына Своего биеннаго зревшая; радуйся, багряницею и терновым венцем одеяннаго зревшая.
Радуйся, Егоже млеком Своим питала еси, терзаемаго видевшая; радуйся, страданием Его спострадавшая.
Радуйся, всеми ученики Его оставленнаго видевшая; радуйся, неправедными судиями Его осужденнаго зревшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 10
Спасти хотя Иисуса, рече Пилат иудеем: «Есть же обычай вам, да единаго вам отпущу на Пасху. Хощете ли убо, да отпущу вам Царя Иудейска?» Но вси возопиша, глаголюще: «Не Сего, но Варавву». Прославляюще милосердие Отца Небеснаго, Иже тако возлюби мир, яко Сына Своего Единороднаго отдал есть на крестную смерть, да искупит ны от вечныя смерти, вопием Ему: Аллилуиа.
Икос 10
Стена и ограждение буди нам, Владычице, изнемогающим от скорби и болезни. Ты бо и Сама страдала еси, слышащи иудеев, вопиющих: «Распни, распни Его!» Ныне же услыши нас, вопиющих Ти:
Радуйся, Мати милосердия, отъемлющая всякую слезу от люте страждущих; радуйся, слезу умиления нам подающая.
Радуйся, погибающих грешников спасающая; радуйся, предстательство христиан непостыдное.
Радуйся, от страстей нас избавляющая; радуйся, сердцу сокрушенному отраду подающая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 11
Пение всеумиленное Спасителю мира приносим, на вольное страдание шедшему и крест Свой несшему. Воини же, пришедше на Голгофу, пропяша Его. Стояху при кресте Иисусове Мати Его, и сестра Матере Его - Мария Клеопова, и Мария Магдалина. Иисус же, видев Матерь и ученика стояща, егоже любляше, глагола Матери Своей: «Жено, се сын Твой»; потом глагола ученику: «Се Мати твоя». И от того часа поят Ю ученик во свояси. Ты же, Мати Божия, обезчещенна видящи на кресте Сына и Господа, терзалася еси, вопиющи Богу: Аллилуиа.
Икос 11
«Сыне Мой и Боже Предвечный, Творче всех тварей, Господи! Како терпиши на кресте страсть, - Чистая Дева, плачущи, глаголаше. - О страшнем Твоем Рождестве, Сыне Мой, паче всех матерей возвеличена бых, но увы Мне: ныне Тя видящи, распаляюся утробою». Мы же, слезы проливающе и Тебе внемлюще, вопием Ти:
Радуйся, радости и веселия лишенная; радуйся, вольная страдания Сына Твоего на кресте видевшая.
Радуйся, Чадо Свое возлюбленное уязвленным зревшая; радуйся, Агнца, на заклание ведомаго, Мати.
Радуйся, Избавителя язв душевных и телесных язвами покрытаго видевшая; радуйся, Сына Своего воскресшаго из мертвых зревшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 12
Благодать подаждь нам, Спасе Всемилостивый, на Кресте дух Свой испустивый и согрешений наших рукописание растерзавый. «Се, свете Мой сладкий, надеждо и животе Мой благий, Боже Мой, угасл еси на Кресте», - Дева, стенящи, глаголаше. Потщися, Иосифе, к Пилату приступити и проси его сняти с древа Учителя своего уязвленнаго: «Даждь ми Сего страннаго, Иже не имать где главы преклонити». Богоматерь же, видевши Сына Своего безславна, нага на древе, возопи: «Увы Мне, Чадо Мое, увы Мне, свете Мой, душу пройде Мне оружие по речению праведнаго старца Симеона». Мы же, Пречистей Деве состраждуще, вопием Богу: Аллилуиа.
Икос 12
Поюще милосердие Твое, Человеколюбче, покланяемся богатству милости Твоея, Владыко. «Создание Твое спасти хотя, смерть подъял еси, - рече Пречистая, - но Воскресением Твоим, Спасе, помилуй всех нас». Мы же Богородице, о нас молящейся, вопием:
Радуйся, мертваго зрящая, бездыханна Преблагаго Господа; радуйся, лобзавшая тело Сына Твоего возлюбленнаго.
Радуйся, Света Своего сладкаго нага и уязвленнаго Мертвеца зревшая; радуйся, Сына Своего гробу предавшая.
Радуйся, плащаницею новою тело Его обвившая; радуйся, Воскресение Его видевшая.
Радуйся, многоскорбная Мати Божия, печаль нашу в радость претворяющая и сердца злых человек умягчающая.
Кондак 13
О Всепетая Мати, изнемогающая от скорби у креста Сына Твоего и Бога! Внемли воздыханием и слезам нашим, умягчи злая сердца, востающая на нас, избави от скорби, болезней и вечныя смерти всех уповающих на неизреченное Твое милосердие и вопиющих Богу: Аллилуиа.
Этот кондак читается трижды, затем 1-й икос «Ангел возвести …» и 1-й кондак «Избранной Деве Марии …».
Молитва первая
О многоскорбная Мати Божия, превышшая всех дщерей земли по чистоте Своей и по множеству страданий, Тобою на земли пренесенных! Приими многоболезненныя воздыхания наша и сохрани нас под кровом Твоея милости. Инаго бо прибежища и теплаго предстательства, разве Тебе, не вемы, но, яко дерзновение имущи ко Иже от Тебе Рожденному, помози и спаси ны молитвами Своими, да непреткновенно достигнем Царствия Небеснаго, идеже со всеми святыми будем воспевати хвалу в Троице Единому Богу, всегда, ныне, и присно, и во веки веков. Аминь.
Молитва вторая
О кто не ублажит Тя, Дево Благодатная, кто не воспоет Твое милосердие к роду человеческому. Тебе молимся, Тебя просим: не остави нас, во зле погибающих, раствори любовию сердца наша и ко врагам нашим пошли стрелу Свою, да уязвляет сердца наша миром к гонящим нас. Аще мир нас ненавидит - Ты простри любовь Свою к нам, аще мир нас гонит - Ты приими нас. Подаждь нам Благодатную силу терпения - без ропота перенести испытания, в мире сем бываемая. О Госпоже! Умягчи сердца злых человеков, восстающих на нас, да не погибнут сердца их во зле, но умоли, Благодатная, Сына Твоего и Бога нашего, да умирит сердца их миром, диавол же - отец злобы - да посрамится! Мы же, воспевающе милосердие Твое к нам, злым, непотребным, воспоем Ти, о Пречудная Госпоже Дево Благодатная: услыши нас в час сей, сокрушенная сердца имущих, огради нас миром и любовию друг ко другу и ко врагом нашим, искорени от нас всякую злобу и вражду, да воспоем Тебе и Сыну Твоему, Господу Иисусу Христу нашему: Аллилуиа! Аллилуиа! Аллилуиа!
Тропарь, глас 8
Восприемши души человеческия и утоливши злый совет, сокруши, Богомати Владычице, и разгони тьму прегрешений, и нас настави на путь смирения, яко да и мы будем во свете дел ходити, и Твоея иконы явлению торжествовати, и на помощь Твою уповати, и умильным гласом звати, Владычице, из глубины: помози, Едина Благословенная.
Ин тропарь, глас 5
Умягчи наша злая сердца, Богородице, и напасти ненавидящих нас угаси, и всякую тесноту души нашея разреши, на Твой бо святый образ взирающе, Твоим страданием и милосердием о нас умиляемся и раны Твоя лобызаем, стрел же наших, Тя терзающих, ужасаемся. Не даждь нам, Мати Благосердая, в жестокосердии нашем и от жестокосердия ближних погибнути, Ты бо еси воистину злых сердец умягчение.
Кондак, глас 6
Око сердца моего смущают, и злый совет разоряет мя, сих сокруши, Дево Чистая, и не презри мое воздыхание, и супостаты на нас умягчи, Преблагословенная Владычице.
Ин кондак, глас 2
Благодатию Твоею, Владычице, умягчи сердца злодеев, низпосли благодетелей, соблюдающи их от всякого зла, благомолящимся Ти усердно пред честными иконами Твоими.
Величание
Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем с верою притекающим.